اسلام آباد(نیوز ڈیسک)کراچی میں صفورا چورنگی سانحے بعد زیر تفتیش چار افراد کو چھوڑ دیا گیا ، تفتیشی حکام کا کہنا ہے کہ عینی شاہدین اور چوکیداروں کی مدد سے ملزمان کے خاکے تیار کر لیے گئے ہیں۔ صفورا چورنگی کے قریب بس پر فائرنگ کے بعد قانون نافذ کرنے والے اداروں نے 4 افراد کو حراست میں لے کر تفتیش کا دائرہ مزید وسیع کر دیا تھا۔ تفتیشی حکام کے مطابق زیر حراست افراد میں دو چوکیدار اور دو علاقہ مکین شامل تھے جنہیں تفتیش مکمل کرنے کے بعد چھوڑ دیا گیا ہے۔ تفتیشی حکام کا کہنا ہے کہ عینی شاہدین کی مدد سے دہشت گردوں کے خاکے تیار کرنے میں مدد ملی ہے اور عینی شاہدین کی جب مدد کی ضرورت ہوگی انہیں طلب کیا جا سکتا ہے۔ –