دمشق(این این آئی)شام کی حماء گورنری میں النصرہ فرنٹ نامی عسکری گروپ نے بشارالاسد کی فوج میں شامل آٹھ اہلکاروں کو موت کے گھاٹ اتار دیا۔عرب ٹی وی کے مطابق سیرین ہیومن رائٹس آبزر ویٹری کے ڈائریکٹر رامی عبدالرحمان نے بتایا کہ سابقہ النصرہ فرنٹ جو اب تحریرالشام کے نام سے سرگرم ہے کے جنگجوؤں نے حماء شہر میں ایک کارروائی کے

دوران اسدی فوج کے 8 اہلکاروں کو ہلاک کردیا۔یہ کارروائی ترکی اور روس کی جانب سے قائم کردہ محفوظ زون سے باہر کی گئی۔انسانی حقوق کے مندوب کا کہنا تھا کہ لڑائی میں تحریر شام کے دو جنگجو بھی ہلاک ہوئے ۔خیال رہے کہ دوروز قبل اسدی فوج نے شمالی حماء میں جیش العزہ نامی عسکری گروپ کے خلاف کارروائی کرکے اس کے 23 جنگجو ہلاک کردیئے تھے۔