واشنگٹن(این این آئی)امریکی صدر ڈونالڈٹرمپ پہلی جنگ عظیم کی صدسالہ تقریبات میں شرکت کے لیے یورپ کے دورے پر فرانس کے دارلحکومت پیرس پہنچ گئے ،میڈیارپورٹس کے مطابق ٹرمپ درجنوں دیگر عالمی سربراہان آرمزٹائس معاہدے کی صد سالہ تقریبات میں شرکت کریں گے۔

جس کے نتیجے میں پہلی عالمی جنگ کا خاتمہ ہوا۔اتوار کے روز آرمزٹائس معاہدے کی یاد میں منعقد ہونے والی تقریبات سے قبل اس ہفتے، مکخواں نے فرانس کے مشرق اور شمال میں واقع میدان جنگ کی یادگار کا دورہ کیا۔ صدر مکخواں نے یورپ کو درپیش خدشات کے بارے میں انتباہ جاری کرتے ہوئے کہا کہ براعظم کے لیے لازم ہے کہ وہ اپنی فوج تشکیل دے۔مکخواں نے بتایا کہ ضرورت اِس بات کی ہے کہ ہم چین، روس یہاں تک کہ امریکہ کے خلاف اپنا تحفظ کریں۔ جب میں صدر ٹرمپ کو اسلحہ ترک کرنے کے معاہدے سے باہر نکلنے کا اعلان کرتے ہوئے دیکھتا ہوں، جو سمجھوتا اْس وقت کیا گیا تھا جب 1980ء کی دہائی میں یورپ پر اثرانداز ہونے والا میزائل بحران درپیش تھا، اس کا شکار کون بنے گا؟ یورپ اور اْس کی سلامتی۔بعدازاں، ڈونالڈ ٹرمپ بلوووڈ کا دورہ کریں گے، جو جنگ عظیم یکم کے دوران امریکہ کی جانب سے لڑی گئی سنگین لڑائی کا میدان جنگ تھا۔ اِس لڑائی میں جرمن فوج کے حملے کے نتیجے میں 1800 سے زائد امریکی فوجی ہلاک ہوئے۔ یہ زیادہ تر معرکہ زور بازو سے لڑا گیا۔ تین ہفتے سے زیادہ عرصے کی اس لڑائی میں امریکی فوجوں نے 26 جون، 1918ء میں بلوووڈ کو فتح کیا۔ تاریخ داں، ڑاں مشل اسٹیگ کا کہنا تھا کہ امریکی فوج کی بہادری مثالی تھی۔