نئی دہلی(آئی این پی)بھارتی ریاست کیرالہ میں سباری مالا مندر میں انتہا پسند ہندوؤں نے خاتون حافیوں کے داخلے پر پابندی عائد کر دی، مندر کے تقدس کا خیال رکھتے ہوئے خواتین کو وہاں جانے کی اجازت نہیں دی جا سکتی، ہم امید کرتے ہیں کہ میڈیا ہاؤسز ایسے اقدمات نہیں اٹھائیں گے جن سے معاملات کے خراب ہونے کا خدشہ ہو۔ انڈین ایکسپریس کی رپورٹ کے مطابق بھارت کی
ریاست کیرالہ میں سباری مالا مندر کے افتتاح سے قبل انتہا پسند ہندوں نے خواتین صحافیوں کے داخلے پر بھی پابندی عائد کردی۔ انتہا پسند ہندوں نے تمام میڈیا ہاؤسز کو متنبہ کیا ہے کہ وہ اس ایونٹ کو کور کرنے کے لیے اپنی خاتون صحافیوں اور کیمرا مین کو یہاں نہ بھیجیں۔سباری مالا مندر کا افتتاح 5 نومبرکو ہوا، اس سے قبل سپریم کورٹ نے صدیوں پرانے اس فیصلے کو مسترد کردیا تھا جس کے تحت 10 سے 50 سال کی خاتون کی اس مندر میں آنے کی اجازت نہیں تھی۔واضح رہے کہ سباری مالا مندر انتظامیہ اور بعض ہندو مذہب کے رہنماوں کا موقف ہے کہ 10 سے 50 سالہ خاتون جنہیں ماہواری کا مسئلہ درپیش ہوتا ہے انہیں مندر میں داخل ہونے کی اجازت نہیں دینی چاہیے۔بھارتی سپریم کورٹ کے فیصلے کے بعد یہ مندر پہلی مرتبہ 17 سے 22 اکتوبر کے درمیان کھولا گیا، لیکن سیکیورٹی کی وجہ سے کوئی بھی خاتون اس میں داخل نہیں ہوسکی تھی۔انتہا پسند ہندوں کی جانب سے سپریم کورٹ کے فیصلے کے خلاف احتجاج بھی کیا گیا اور اس دوران اس احتجاج کو کور کرنے کے لیے آنے والی خاتون رپورٹر کو تشدد کا نشانہ بنایا گیا جبکہ نجی ٹی وی چینل کی ڈی سی این جی وین کو بھی نقصان پہنچایا گیا۔سباری مالا کرما سمیتی کی جانب سے میڈیا ہاسز کے مدیران کے نام خطوط لکھے گئے جن میں انہوں کہا کہ 10 سے 50 سال کے درمیان کی خواتین صحافیوں کا یہاں آنا بھی معاملات کو خراب کر سکتا ہے۔خط کے مطابق انتہا پسندوں کا کہنا تھا کہ ہم امید کرتے ہیں کہ میڈیا ہاؤسز ایسے اقدمات نہیں اٹھائیں گے جن سے معاملات کے خراب ہونے کا خدشہ ہے۔18 اکتوبر کو احتجاج کے دوران مشتعل ہندو مظاہرین نے مندر کے لیے آنے والی ان تمام گاڑیوں پر حملے کیے جن میں خواتین پولیس اہلکار بھی موجود تھی۔مظاہرین کی جانب سے بدترین پتھرا کے نتیجے میں عمر رسیدہ خاتون سمیت متعدد خواتین زخمی ہوگئیں تھیں۔
