اسلام آباد(نیوزڈیسک) سانحہ صفوراگھوٹھ،وزیرداخلہ کوبھی کراچی کاخیال آگیاوفاقی وزیر داخلہ چوہدری نثار کل کراچی کا دورہ کریں گے جہاں انہیں سانحہ صفورہ پربریفنگ دی جائے گی۔وفاقی وزیرداخلہ چوہدری نثار علی خان کل مختصر دورے پر کراچی پہنچیں گے جہاں وہ گورنر سندھ ڈاکٹر عشرت العباد خان اوروزیراعلٰیٰ سید قائم علی شاہ سمیت ڈی جی رینجرز سے ملاقات کریں گے۔ اس موقع پر انہیں سانحہ صفورہ پر بریفنگ بھی دی جائے گی۔واضح رہے کہ چوہدری نثارعلی سانحہ صفورہ کے بعد کراچی میں وزیراعظم نوازشریف کی زیر صدارت ہونے والے اعلیٰ سطح کے اجلاس میں شریک نہیں تھے جب کہ اجلاس میں آرمی چیف جنرل راحیل شریف اور ڈی جی آئی ایس آئی سمیت دیگر اعلیٰ سیاسی وعسکری قیادت نے شرکت کی تھی۔