واشنگٹن(این این آئی)امریکی وزیر خارجہ مائیک پومپیو نے کہا ہے کہ 5 نومبر سے ایران پر نافذ کی جانے والی پابند یوں کا ہدف عوام نہیں بلکہ ظالم ایرانی رجیم ہے۔امریکی ٹی وی کے مطابق مائیکرو بلاگنگ ویب سائیٹ ٹوئٹر پر پوسٹ ایک بیان میں کہا کہ ایران پر عاید کی جانے والی پابندیوں کا ہدف ایرانی عوام نہیں۔ ہم ایرانی عوام کے
دشمن نہیں بلک ایرانی رجیم کی تباہ کن پالیسیوں کو ناکام بنانا ہے۔ ان کا مزید کہنا تھا کہ ایرانی عوام حکومت کے ظلم اور وحشت سے سخت نالاں ہیں اور ان کی مشکلات میں امریکا ان کے ساتھ ہے۔خیال رہے کہ امریکی حکومت آج (پیر) سے ایران پر مزید اقتصادی پابندیاں عاید کرنے جا رہی ہے، تاہم خوراک، ادویات، زراعت اور طبی سازمان پر پابندی عاید نہیں کی جائیگی۔
