اسلام آباد(این این آئی)حکومت گرانے کی تیاریاں،پیپلزپارٹی اور ن لیگ ایک پلیٹ فارم پر اکٹھی، مولانافضل الرحمان نے بڑی ذمہ داری اُٹھالی، کاؤنٹ ڈاؤن شروع،اپوزیشن کی جانب سے 31 اکتوبر کو آل پارٹیز کانفرنس بلانے کا قوی امکان ہے۔میڈیا رپورٹ کے مطابق پیپلز پارٹی کے رہنما آصف علی زرداری نے گزشتہ روز جمعیت علمائے اسلام (ف) کے سربراہ مولانا فضل الرحمن سے ملاقات کی۔اس سے قبل آصف زرداری نے تمام سیاسی جماعتوں کو
حکومت کے خلاف قرارداد لانے کی بھی تجویز دی تھی ٗذرائع کے مطابق اپوزیشن نے 31 اکتوبر کو کل جماعت کانفرنس بلانے کا فیصلہ کیا ہے جس کے میزبان مولانا فضل الرحمان ہوں گے جبکہ تمام انتظامات بھی وہ خود کریں گے۔مولانا فضل الرحمان نے تاریخ سے متعلق آصف زرداری کو بھی آگاہ کردیا ہے اور دیگر جماعتوں سے رابطے بھی شروع کردئیے ہیں ٗ اے پی سی کی تاریخ سے متعلق دیگر جماعتوں سے مشاورت کے بعد حتمی تاریخ کا اعلان کیا جائیگا۔
