اسلام آباد(مانیٹرنگ ڈیسک)سادگی اور پروٹوکول نہ لینے کے دعوے اقتدار کے 50دنوں میں ہی ہوا ہو گئے، گورنر سندھ عمران اسماعیل کی 40گاڑیوں کے قافلے میں سکھر ائیرپور ٹ سے ڈپٹی کمشنرآفس آمد، گورنر کی گزرگاہ کو عام ٹریفک اور عوام کیلئے بند کر دیا گیا۔ تفصیلات کے مطابق تبدیلی، سادگی اور پروٹوکول نہ لینے کے دعوے اقتدار میں آتے ہی ہوا ہو گئے ہیں اور

حکمران جماعت پی ٹی آئی کے گورنر سندھ نے اپنی ہی جماعت کے منشور اور ماٹو کو پس پشت ڈال دیا ہے۔ رنر سندھ عمران اسماعیل بھی وی آئی پی پروٹوکول کے اسیر نکلے۔40 گاڑیوں کے قافلے میں سکھر ا ئیر پورٹ سے ڈپٹی کمشنر آفس پہنچے ۔وفاقی حکومت کی جانب سے شروع کردہ نیا پاکستان ہاؤسنگ پروگرام کی مہم کے تحت سکھر میں اسکیم کے افتتاح کے لئے گورنر سندھ عمران اسماعیل بذریعہ ہوائی جہاز کراچی سے سکھر پہنچے۔جہاں سے انہیں گاڑیوں کی طویل قطار میں ڈپٹی کمشنر کے دفتر لایا گیا۔گورنر سندھ کے قافلے میں 40گاڑیاں شامل تھیں، گورنر کی گزرگاہوں کو بھی ان کی آمد و رفت کے موقع پر عام ٹریفک کے لئے بند کردیا گیا تھا۔واضح رہے کہ عمران خان کا مدینہ منور پہنچنے پر شاندار استقبال، ہائی ویلیو پروٹوکول، پاکستانیوں کی بڑی تعداد ہوٹل کے سامنے اور سڑک پر ایک جھلک دیکھنے کیلئے کھڑی رہی۔ تفصیلات کے مطابق پاکستانی وزیراعظم عمران خان اپنے دو روزہ دورہ پر گزشتہ شب سعودی عرب پہنچ گئے ہیں جہاں ان کا ائیرپورٹ پر گورنر مدینہ نے استقبال کیا۔ اس موقع پر اعلیٰ سعودی حکام بھی موجود تھے ۔ عمران خان اور ان کے وفد میں شریک وزیر خارجہ شاہ محمود، وزیر خزانہ اسد عمر، وزیر اطلاعات فواد چوہدری، مشیر تجارت ، عبدالرزاق دائود کا اس موقع پر شاندار استقبال کیا گیا اور انہیں ہائی ویلیو پروٹوکول میں ہوٹل تک پہنچایا گیا ۔ اس دوران سڑک کے کنارے اور ہوٹل کے سامنے اور اندر پاکستانیوں اور سعودی باشندوں کی کثیر تعداد عمران خان کی ایک جھلک دینے کیلئے کھڑی تھی۔ عمران خان کو اعلیٰ سعودی حکام اور سکیورٹی کے سخت حصار میں ہوٹل میں لایا گیا ۔