اسلام آباد (مانیٹرنگ ڈیسک) ملک کی معروف شخصیت کی اہلیہ کے اکائونٹ میں چینی کمپنی کی جانب سے تین ارب روپے کی منتقلی، معروف صحافی چوہدری غلام حسین نے جعلی اکائونٹس کیس کے حوالے سے بڑا انکشاف کر دیا۔ تفصیلات کے مطابق نجی ٹی وی پروگرام میں گفتگو کرتے ہوئے معروف صحافی چوہدری غلام حسین نے انکشاف کیا ہے کہ مصدقہ اطلاعات کے مطابق ایک معروف شخصیت کی اہلیہ کے اکائونٹ میں چینی کمپنی کے اکائونٹ سے تین ارب روپے
منتقل کئے گئے تھے اور اس حوالے سے کل تک میرے پاس دستاویزی ثبوت بھی آجائیگا جو کہ میں پروگرام میں لہرا کر بتائوں گا۔ چوہدری غلام حسین کا کہنا تھا کہ لوگوں کے اکائونٹس سے اربوں روپے نکل رہے ہیں لیکن کسی کو کوئی شرم ہی نہیں۔ واضح رہے کہ چوہدری غلام حسین کا اشارہ جعلی اکائونٹس کیس کی جانب سے تھا جس میں مختلف شہریوں کےنام پر کھولے گئے اکائونٹس سے اب تک اربوں روپے برآمد اور کروڑوں کی ٹرانزیکشن کے ثبوت سامنے آچکے ہیں۔
