اسلام آباد(آئی این پی ) وزیراعظم عمران خان نے صاحبزادہ عامر جہانگیر کو معاون خصوصی برائے غیرملکی سرمایہ کاری مقرر کر دیا ۔ کابینہ سیکرٹریٹ سے جا ری نوٹیفکیشن کے مطابق وزیراعظم نے گذشتہ روز صاحبزادہ عامر جہانگیر کی بطور معاون خصوصی برائے غیرملکی سرمایہ کاری تقرری کر دی ہے۔دوسری جانب معروف صحافی ثناء بُچہ نے سماجی رابطے کی ویب سائٹ ٹوئٹر پر
عامر جہانگیر کے خلاف کیسز کا بھانڈا پھوڑ دیا ہے، ثناء بُچہ نے اپنے ٹویٹ پیغام میں لکھا کہ عامر جہانگیر پر تین مرتبہ بنک نادہندہ ہونے کا الزام ہے، ان سے تین مرتبہ ان لینڈ ریونیو میں تفتیش کی جا چکی ہے جبکہ لندن میں بھی انہیں پیسوں کے فراڈ کیس میں مجرم ٹھہرایا گیا ہے انہوں نے اپنے ٹویٹ میں مزید لکھا کہ یہاں تک کے لندن کے تمام کسینوز میں بھی عامر جہانگیر کے داخلے پر پابندی ہے۔
