اسلام آباد (این این آئی)پاکستان مسلم لیگ (ن) کے رہنما رانا ثناء اﷲ نے کہا ہے کہ حکومت سیاسی انتقام میں پوری طرح ملوث ہے ٗ ملک دشمن ٹولہ چار سال افراتفری اور عدم استحکام پیدا کرتا رہا ٗنہیں چاہتے کہ ملک میں عدم استحکام میں مزید اضافہ ہو۔بدھ کو پارلیمنٹ ہاؤس کے باہر میڈیا سے با ت چیت کرتے ہوئے راناثناء اللہ نے کہاکہ اپوزیشن لیڈر شہباز شریف کو انتقامی کارروائی کا نشانہ بنانے کیلئے گرفتار کیا گیا۔

سیاسی انتقام میں حکومت پوری طرح ملوث ہے ٗملکی حالات ایسے نہیں کہ عدم استحکام سے دوچار ہوجائیں ۔انہوں نے کہاکہ ملک دشمن ٹولہ چار سال افراتفری اور عدم استحکام پیدا کرتا رہا۔ نہیں چاہتے کہ ملک میں عدم استحکام میں مزید اضافہ ہو۔ رانا ثناء اللہ نے کہا کہ اسٹاک ایکس چینج پہلے ہی کریش کرچکی ہے ٗڈالر بھی 135کا ہوگیا ۔انہوں نے کہاکہ ابھی احتجاج کو پارلیمنٹ اور جمہوری اداروں کے اندر رکھا ہے۔

موضوعات:رانا ثنا اللہ