اسلام آباد(آئی این پی )اسلام آباد پولیس نے تھانہ لوہی بھیر کے علاقے میں واقع معروف ہاؤسنگ سکیم میں 22 سالہ دو شیزہ کی عزت لوٹنے والے تین ملزمان گرفتار کر لئے۔ایس ایس پی سید محمد امین بخاری کی ہدایت پر تھانہ لوہی بھیر پولیس نے 48 گھنٹوں کے دوران ملزمان کو گرفتار کیا ہے۔تفصیلات کے مطابق 12 اکتوبر کو تھانہ لوہی بھیر کے علاقے نیول اینکریج کے قریب 22 سالہ دوشیزہ کو نامعلوم ملزمان کی طرف سے گن پوائنٹ پر جنگل میں
لے جا کر اس کی عزت لوٹنے کے واقعہ کا پیش آیا۔ ایس ایس پی سید امین بخاری نے واقعہ کانوٹس لیا اور پولیس کو ہنگامی بنیادوں پر اقدامات کر کے ملزمان کو گرفتار کرنے کی ہدایت کی جس پر تھانہ لوہی بھیر پولیس نے کارروائی کرتے ہوئے دوشیزہ کی عزت لوٹنے والے تین ملزمان کو ٹریس کر کے انہیں گرفتار کیا۔ گرفتار ملزمان میں عمران۔عمر اور اویس شامل ہیں۔دیگر ملزمان کی گرفتاری کے لئے چھاپے مارے جا رہے ہیں۔
