اسلام آباد (این این آئی) پاکستان نے سعودی صحافی عدنان خشوگی کے لاپتہ کے معاملہ پر کہا ہے کہ ہمیں معلوم ہے ٗمعاملے کی تحقیقات جاری ہیں ٗبہتر ہے نتائج کا انتظار کیا جائے ٗپاکستان کے سعودی عرب اور ترکی دونوں ے ساتھ قریبی برادرانہ تعلقات قائم ہیں، امید ہے دونوں برادر ممالک معاملے کو مل کر حل کریں گے۔پیر کو یہاں جاری بیان میں ترجمان دفترخارجہ ڈاکٹر محمد فیصل نے میڈیا کی جانب سے سعودی صحافی کی گمشدگی
سے متعلق سوال پر بتایا کہ ہمیں معلوم ہے کہ اس معاملے پرتحقیقات ہو رہی ہے اور یہ بات مناسب ہوگی کہ اس ضمن میں ہونے والی تحقیقات کا انتظارکیا جائے۔ ترجمان نے اس معاملے میں سعودی عرب اور ترکی مشترکہ کوششوں کا خیرمقدم کرتے ہوئے کہا کہ پاکستان کے سعودی عرب اور ترکی دونوں کے ساتھ قریبی برادرانہ تعلقات قائم ہیں، پاکستان کو امید ہے کہ دونوں برادر ممالک اس معاملے کو مل کر حل کریں گے۔
