لاہور(آئی این پی)ضمنی انتخابات میں قومی اسمبلی کے حلقہ این اے 124سے پاکستان مسلم لیگ (ن) کے امیدوار و سابق وزیر اعظم شاہد خاقان عباسی 75ہزار 12ووٹ لیکر کامیاب ہوگئے جبکہ تحریک انصاف کے امیدوار غلام محی الدین 30ہزار115ووٹ لیکر دوسرے نمبر پر رہے۔ اتوار کو غیرحتمی غیر سرکاری نتائج کے مطابق قومی اسمبلی کے حلقہ این اے 124سے پاکستان مسلم لیگ (ن) کے امیدوار و سابق وزیر اعظم شاہد خاقان عباسی 75ہزار 12ووٹ لیکر کامیاب ہوگئے جبکہ تحریک انصاف کے امیدوار غلام محی الدین 30ہزار115ووٹ
لیکر دوسرے نمبر پر رہے۔ پاکستان مسلم لیگ (ن) کے جیالوں کی جانب سے مٹھائیاں تقسیم کی گئی اور ڈھول کی تھاپ پر رقص کیے گئے۔یاد رہے کہ عام انتخابات 2018 میں این اے 124 لاہور سے صدر مسلم لیگ ن شہباز شریف کے بیٹے حمزہ شہباز شریف نے کامیابی حاصل کی تھی اور پنجاب کا محاذ سنبھالنے کے لیے قومی اسمبلی کی نشست سے دستبردار ہوگئے تھے۔ ضمنی انتخاب میں ان کی چھوڑی نشست پر سابق وزیراعظم شاہد خاقان عباسی نے انتخاب لڑا، سابق وزیراعظم کو عام انتخابات 2018 میں شکست ہوئی تھی۔
