لاہور(آئی این پی) مسلم لیگ (ن) کے مرکزی رہنما اورسابق وفاقی وزیر ریلوے خواجہ سعد رفیق نے کہا ہے کہ اگر ظالم حکمران باز نہ آئے تو انہیں اکھاڑ پھینکیں گے، چودہ اکتوبر کے ضمنی الیکشن میں ہر طرف شیر ہو گا جب بھی عوام شیر کو ووٹ دیتے ہیں ملک اور

صوبے میں ترقی اور خوشحالی آتی ہے ‘میں نے حلقے میں آٹھ ہزار لوگوں کو بھرتی کروایا پورے پانچ سال میں پاکستان سے پانچ ہزار لوگوں کو نوکریاں میرٹ پر دیں جھوٹا آدمی روز جھوٹ بولتا کیونکہ وزیر اعظم جھوٹا ہے۔ منگل کو اپنے انتخابی حلقے میں جلسے سے خطاب کے دوران خواجہ سعد رفیق نے کہا کہ (ن) لیگ کی حکومت نے رنگ روڈ ،میٹرو بس اور سپیڈوبس بنائی ‘ہسپتال و کالج بنائے سی این جی کیلئے قطاریں ختم کر دیں ریلوے جو ختم کو چکا تھا اسے زندہ کیا۔ انہوں نے کہا کہ حکومتی وزیر کہتاہے سعد رفیق نے جیت جانا ہے حلقے میں آٹھ ہزار لوگوں کو بھرتی کروایا پورے پانچ سال میں پاکستان سے پانچ ہزار لوگوں کو نوکریاں میرٹ دیں جھوٹا آدمی روز جھوٹ بولتا کیونکہ وزیر اعظم جھوٹا ہے۔انہوں نے کہا ہے کہ عمران خان پریس کانفرنس کرکے دھمکیاں دیتے ہیں۔ انہیں مخالفین کو جیلوں میں ڈالنے کا بہت شوق ہے۔ جس نے بھی انتقام لینے کی کوشش کی وہ قدرت کے قانون کا شکار ہوا۔ تبدیلی کا جھوٹا نعرہ لگا کر قوم کو بے وقوف بنایا گیا ۔ پنجاب کی حالت بدلنے والے کو جیل میں ڈال دیا گیا۔ اگر ظالم حکمران باز نہ آئے تو انہیں اکھاڑ پھینکیں گے۔