اسلام آباد(آئی این پی) مسلم لیگ (ن) کے صدر میاں محمد شہباز شریف اپنے سیاسی کیئریئرمیں تیسری مرتبہ گرفتار ہو کر مختلف حکومتوں میں گرفتاری کی ہیٹرک کا ریکارڈ بنایا ہے۔ تفصیلات کے مطابق میاں محمد شہباز شریف کی سیاسی کیئریئر میں پہلی گرفتاری پیپلزپارٹی کے دوسرے دور حکومت میں 1994میں ہوئی تھی جب ایف آئی اے نے میاں شہبازشریف ،ان کے بھائی میاں عباس شریف مرحوم اور بیٹے حمزہ شہباز کو گرفتار کیا تھا اور اڈیالہ جیل میں چند ماہ قید رہے اس وقت کے قیدی ساتھی چوہدری پرویز الٰہی

بھی تھے جو پنجاب اسمبلی کے اب سپیکر ہیں۔ شہباز شریف کو عدالت نے رہا کردیا تھا۔ ان کی دوسری گرفتاری 12اکتوبر1999کو جنرل(ر) پرویز مشرف کی طرف سے نوازشریف حکومت کا تختہ الٹنے کے بعد ہوئی تھی اور وہ تقریباً10ماہ تک مختلف جیلوں میں قید رہے اور نوازشریف ہمراہ ان کو رہائی اس وقت ملی جب وہ نوازشریف کے ہمراہ ایک سیاسی ڈیل کے تحت سعودی عرب جلا وطن ہوئے اور اب 5اکتوبر2018کو عمران خان کے دور حکومت میں نیب کی طرف سے آشیانہ ہاؤسنگ سکینڈل میں انہیں گرفتار کیا گیا ہے۔