لاہور ( این این آئی) قومی اسمبلی میں قائد حزب اختلاف و سابق وزیر اعلیٰ پنجاب محمد شہباز شریف کا گرفتاری کے بعد قومی احتساب بیورو (نیب ) لاہور میں طبی معائنہ کرایا گیا ۔ ذرائع کے مطابق نیب کی جانب سے آشیانہ ہاؤسنگ سکیم کیس میں گرفتاری کے بعد ڈاکٹرز کی ٹیم نے شہباز شریف کا بلڈ پریشر اور شوگر لیول چیک کرنے کے ساتھ ساتھ دیگر ضرور ی ٹیسٹ بھی کئے ۔
دریں اثناء سابق وزیر اعلیٰ پنجاب محمد شہباز شریف کی گرفتاری پر نیب کے اقدام کو خوش آئند قرار دینے کی قرارداد پنجاب اسمبلی سیکرٹریٹ میں جمع کروا دی گئی ۔ تحریک انصاف کی رکن پنجاب اسمبلی مسرت جمشید چیمہ کی جانب سے جمع کرائی گئی قرار داد میں کہا گیا ہے کہ نیب کی جانب سے سابق وزیراعلی پنجاب شہباز شریف کو گرفتار کیا گیا ہے ،نیب کا یہ اقدام انتہائی خوش آئند ہے کیونکہ کوئی بھی شخص قانون سے بالاتر نہیں۔سابق وزیر اعلی شہباز شریف کو فواد حسن فواد کی گواہی پر گرفتار کیا گیا ہے۔سابق وزیر اعلی کا گرفتار ہونا اس بات کی گواہی ہے کہ ملک میں ادارے سیاسی دبا کے بغیر کام کر رہے ہیں۔ماضی میں کسی طاقتور کا احتساب کا سوچا بھی نہیں جاسکتا تھا۔جب ادارے مضبوط ہوتے ہیں تو کوئی بھی کرپٹ شخص قانون سے نہیں بچ سکتا۔قرارداد میں نیب کی جانب سے طاقتور افراد کا احتساب کونے کو خوش آئند قرار دیتے ہوئے مطالبہ کیا گیاہے کہ وہ کسی کرپٹ شخص کو چاہیے وہ کتنا ہی طاقتور کیوں نہ ہو اس کا کڑا احتساب کیا جائے۔ قومی اسمبلی میں قائد حزب اختلاف و سابق وزیر اعلیٰ پنجاب محمد شہباز شریف کا گرفتاری کے بعد قومی احتساب بیورو (نیب ) لاہور میں طبی معائنہ کرایا گیا ۔ ذرائع کے مطابق نیب کی جانب سے آشیانہ ہاؤسنگ سکیم کیس میں گرفتاری کے بعد ڈاکٹرز کی ٹیم نے شہباز شریف کا بلڈ پریشر اور شوگر لیول چیک کرنے کے ساتھ ساتھ دیگر ضرور ی ٹیسٹ بھی کئے ۔
