کراچی( آن لائن )ریٹائرڈ ملازمین، پنشنرز اور بیواؤں کے لئے خوشخبری، نیشنل سیونگ کی مختلف سکیموں کے منافع میں اضافے کا امکان ہے۔بچت سکیموں کی شرح منافع میں اعشاریہ 90 فیصد تک اضافے کا امکان ہے، ذرائع کے مطابق نیشنل سیونگ کا ادارہ اکتوبر کے آخری میں سمری تیار کر لے گا جو بعد میں وزارت خزانہ کو ارسال کردی جائے گی۔ بچت سکیموں میں اضافے کا اطلاق یکم نومبر سے ہوگا۔اس وقت ڈیفنس سیونگ سرٹیفکیٹ پر

شرح منافع 9.5 فیصد، ینشنزز اور بہبود سرٹیفکیٹ کا شرح منافع 9.12 فیصد، سپیشل سیونگ سکیم کا شرح منافع 7.6 فیصد، ریگولر انکم سرٹیفکیٹ کا شرح منافع 7.6 فیصد اور سیونگ اکاؤنٹس کا شرح منافع 6 فیصد ہے۔2018 میں ڈیفنس سیونگ سرٹیفکیٹ پر شرح منافع 1.51 فیصد تک بڑھایا گیا ۔پنشنز اور بہبود سرٹیفیکیٹ کی شرح منافع میں 1.8 فیصد، سپیشل سیونگ سکیم کی شرح منافع 1.6 فیصد، ریگولر انکم سرٹیفکیٹ کی شرح منافع میں 2.24 فیصد اضافہ ہوا۔