اسلام آباد(مانیٹرنگ ڈیسک)سی پیک کے تحت آپٹک فائبر کیبل منصوبہ رواں سال کے آخر تک مکمل ہوجائے گا، اس سے پاکستان میں آمدن بڑھانے کے بڑے مواقع پیدا ہوںگے،میڈیا رپورٹس کے مطابق  اس وقت تک چائنہ ٹیلی کام سمیت بعض چینی کمپنیاں پاکستان اور چین کے درمیان ٹیلی کام ٹریفک کا نظام بھارت کے راستے گزرنے والی آپٹک فائبر کیبل سے تبدیل کرنے میں دلچسپی رکھتی ہیں تاہم اب یہ منصوبہ 2018ء کے اختتام تک کام شروع کر دے گا۔منصوبے پر44 ملین ڈالر کے اخراجات کا اندازہ لگایا گیا ہے جس میں ایگزم بینک آف

چائنہ کا85 فیصد رعایتی قرضہ بھی شامل ہے۔یہ منصوبہ ایس سی اوکے تحت مکمل کیا جارہا ہے ۔اس کی تعمیر اور انجینئرنگ کا ٹھیکہ ہواوے کے پاس ہے۔ یہ منصوبہ مکمل ہونے کے بعد پاکستان آنے والی ٹیلی فون کالز فائبر آپٹک کیبل کے ذریعے چین سے گزر کر آئیں گی اور اس کے بعد اس کا روٹ مشرق وسطیٰ کے ممالک، یورپ ،افریقہ، ایران اور افغانستان تک جائے گا۔یہ روٹ نہ صرف مختصر ترین ہو گا بلکہ ستا ترین بھی ہوگا۔ دونوں ممالک کا بھارت  پرانحصار ختم ہو جائیگا۔ منصوبے پر 2000 پاکستانی کارکن کام کر رہے ہیں۔