لاہور(نیوز ڈیسک) عوامی تحریک کے سربراہ طاہر القادری نے عمران خان کی حکومت کے خلاف دھرنے کی دھمکی دے دی، گزشتہ دھرنے میں ڈاکٹر طاہر القادری نے تحریک انصاف والوں کو سیاسی کزن قرار دیا تھا، معروف صحافی نے سماجی رابطے کی ویب سائٹ ٹوئٹر پر اپنے پیغام میں لکھاکہ سانحہ ماڈل ٹاؤن میں رانا ثنااللہ اورشہباز شریف سمیت لیگی رہنماؤں کے خلاف کارروائی نہ کی
تو حکومت ایک اور دھرنے کے لیے تیار ہو جائے،اس ضمن میں عوامی تحریک نے حکومت کو پیغام پہنچا دیاہے جبکہ عوامی تحریک نے احتجاجی مہم کی تیاریاں شروع کر دیں، ذرائع کے مطابق رانا ثنااللہ کو گرفتار کرنے کا مطالبہ کیا گیا ہے۔ دوسری جانب ایک نجی ٹی وی چینل کا کہنا ہے کہ سابق صوبائی وزیر رانا ثناء اللہ کے خلاف سانحہ ماڈل ٹاؤن کا کیس دوبارہ کھلنے کا امکان ہے۔
