اسلام آباد(مانیٹرنگ ڈیسک)عمران خان کا ہم شکل اپنی مہران گاڑی میں منزل کی طرف رواں دواں تھا کہ کسی نے ان کی ویڈیو بنا کر سوشل میڈیا پر وائرل کردی اور دعویٰ کیاکہ یہ وزیراعظم عمران خان ہیں جو وزیراعظم آفس جارہے ہیں لیکن اب اس کی حقیقت سامنے آگئی ہے ،نجی ٹی وی کے مطابق پاکستان تحریک انصاف کے سوشل میڈیا ونگ نے ایک
ٹوئٹر پیغام کے ذریعے لوگوں کو آگاہ کیا کہ یہ صاحب سوزوکی مہران میں دفتر ضرور جاتے ہیں لیکن یہ وزیراعظم عمران خان ہرگز نہیں بلکہ نوشہرہ سے تعلق رکھنے والے انگریزی کے ایک استاد ہیں۔واضح رہے کہ وزیراعظم عمران خان بنی گالہ سے وزیراعظم ہائوس سفر کرنے کے لیے ہیلی کاپٹر استعمال کرتے ہیں۔جس پر وہ شدید تنقید کی زد میں بھی ہیں ۔
