لندن(نیوزڈیسک) بریڈفورد کی مسلم خواتین کی کونسل نے اعلان کیا ہے کہ برطانیہ کے شہر بریڈفورڈ میں خواتین کی پہلی مسجد تعمیر کی جائے گی۔ اس شہر میں مسلمانوں کی ایک بہت بڑی تعداد آباد ہے۔عرب میڈیا کے مطابق خواتین کی مسجد کا یہ منصوبہ ایک ماہ طویل مشاورت کے ساتھ شروع کردیا جائےگا اسے بریڈفورڈ مسجد منصوبہ بھی کہا جاتا ہے۔”حوا کی بیٹیاں“ کے عنوان سے منعقدہ ایک کانفرنس کے پہلے دن یہ اعلان کیا گیا۔ کانفرنس میں برطانیہ بھر سے آنے والی خواتین شرعی قوانین اور میڈیا میں پیش کی جانے والی مسلمانوں کی شبیہ سمیت بہت سے مسائل پر بحث کریں گی۔برطانیہ میں تقریباً 1500 مساجد ہیں، اور ان مساجد میں خواتین کے داخلے کے حوالے سے بحث روز بروز بڑھتی جارہی ہے۔