لاہور ( این این آئی) مسلم لیگ (ن) نے حلقہ این اے 124کے ضمنی انتخاب کے سلسلہ میں 12اکتوبر بروز جمعہ کو موچی گیٹ میں جلسہ عام کیلئے ضلعی انتظامیہ سے اجازت مانگ لی جبکہ پولیس حکام کو بھی سکیورٹی انتظامات کے لئے خط لکھ دیا۔ مسلم لیگ (ن) لاہور کے جنرل سیکرٹری و رکن پنجاب اسمبلی خواجہ عمران نذیر کی جانب سے ڈپٹی کمشنر لاہور کو بھجوائے گئے خط میں ضمنی انتخاب کے سلسلہ میں 12اکتوبر

کو موچی میں ہونے والے جلسہ عام کی اجازت مانگی گئی ہے جس سے (ن) لیگ کی سینئر قیادت شرکت کرے گی۔ جبکہ خواجہ عمران نذیر کی طرف سے سپریٹنڈنٹ آف پولیس سکیورٹی لاہور کو بھی خط لکھا گیا ہے جس میں بتایا گیا ہے کہ مسلم لیگ (ن) 12 اکتوبر کو موچی میں جلسہ عام کا انعقاد کر رہی ہے جس سے (ن) لیگ کے سینئر رہنما خطاب کریں گے لہٰذا جلسے کے لئے فول پروف سکیورٹی فراہم کی جائے۔