اسلام آباد (نیوز ڈیسک) افغان دارالحکومت کابل میں طالبان کی جانب سے ایک گیسٹ ہاﺅس پر حملے میں دو پاکستانی بھی جاں بحق ہوگئے ہیں۔ افغانستان میں پاکستانی سفارتخانے کے ترجمان اختر منیر کے مطابق بدھ کی رات کوحملے میں جاں بحق ہونیوالے پاکستانیوں میں چارسدہ کے عبدالستار اور سرگودھا کے اسماعیل اعوان شامل ہیں۔اسماعیل اعوان افغانستان میں بجلی سپلائی کرنیوالی کمپنی میں مشیر اور عبدالستار ایک افغان تعمیراتی کمپنی میں فنانس منیجر تھے ۔ ترجمان نے کہا کہ واقعہ میں دو پاکستانی معمولی زخمی بھی ہوئے ہیں۔ طالبان نے گیسٹ ہاﺅس پر حملے کی ذمہ داری قبول کرلی ہے۔ترجمان نے کہا کہ دونوں میتوں کو پاکستان بھیجنے کے انتظامات کئے جارہے ہیں۔اقوام متحدہ کے مطابق حملے میں 14 افراد جاں بحق ہوگئے تھے جس میں امریکی اور بھارتی شہری بھی شامل ہیں۔