لندن (سپورٹس ڈیسک)سویڈن اور ایل اے گلیکسی کے فٹ بالر زلاٹن ابراہیمووچ نے کیریئر کے 500 گولز مکمل کر لئے، وہ دور حاضر میں اعزاز پانے والے دنیا کے تیسرے کھلاڑی بن گئے ہیں، اس سے قبل پرتگال کے کرسٹیانو رونالڈو اور ارجنٹائن کے لائنل میسی بھی کارنامہ انجام دے چکے ہیں۔ ابراہیمووچ نے ایف سی ٹورنٹو کے

خلاف لیگ میچ میں شاندار گول کر کے گولز کی پانچویں سنچری مکمل کی، انہوں نے مالمو، ایجکس، یووینٹس، انٹرمیلان، بارسلونا، اے سی میلان، پیرس سینٹ جرمین اور ایل اے گیلیکسی کی نمائندگی کرتے ہوئے 438 گولز کئے جبکہ انہوں نے سویڈن کی طرف سے 62 انٹرنیشنل گولز کئے، اسطرح ان کے مجموعی گولز کی تعداد 500 ہو گئی ۔