نیویارک (نیوزڈیسک)امریکہ کی مشرقی ریاست فلاڈیلفیا میں حکام کا کہنا ہے کہ ایک مسافر ٹرین کو پیش آنے والے حادثے میں پانچ افراد ہلاک اور 59 زخمی ہوگئے ہیں۔نیویارک اور واشنگٹن کے درمیان سفر کرنے والی ایمٹریک کی اس ریل گاڑی کے 10 ڈبے منگل کی شب پٹڑی سے اتر گئے۔حادثے کی اطلاع ملتے ہیں امدادی کارروائیاں شروع کر دی گئیں اور امدادی کارکن ریل کی بوگیوں میں پھنسے لوگوں کو نکالنے میں مصروف دکھائی دیے۔مقامی ہسپتال نے بتایا کہ حادثے کے بعد 50 سے زیادہ زخمیوں کو ہسپتال میں داخل کرایا گیا ¾ بہت سے لوگوں کو معمولی چوٹیں بھی آئی ہیں۔ایک ویب سائٹ این بی سی 10 ڈاٹ کام کے مطابق ٹرین پر تقریبا 240 مسافر سوار تھے۔ حادثے کی وجہ فوری طور پر معلوم نہیں ہو سکی امریکی کانگریس کے سابق رکن پیٹرک مرفی نے ٹوئیٹ کیا ہے کہ جب ٹرین کو حادثہ پیش آیا تو وہ اسی ٹرین سے سفر کر رہے تھے۔انھوں نے لکھا کہ میں ایمٹریک ٹرین پر ہوں جو ابھی حادثے کا شکار ہوئی ہے۔ میں ٹھیک ہوں۔ دوسروں کی مدد کر رہا ہوں، زخمیوں کے لیے دعا کریں۔