اسلام آباد(نیوز ڈیسک)راولپنڈی کی نیب عدالت نے پیپلزپارٹی کے شریک چیئرمین آصف زرداری کو سیکیورٹی خدشات کے باعث حاضری سے استثنا دیتے ہوئے سماعت 21مئی تک ملتوی کردی گئی ہے۔سابق صدر آصف زرداری کیخلاف اثاثہ جات ریفرنس کی سماعت راولپنڈی احتساب عدالت کے جج خالد رانجھا نے کی۔آصف زرداری کی وکیل فاروق ایچ نائیک کی جانب سے دی گئی درخواست کو نیب عدالت نے منظور کرتے ہوئے سماعت ملتوی کی۔درخواست میں وکیل فاروق ایچ نائیک نے کہا کہ سیکیورٹی خدشات کے باعث آصف زرداری پیش نہیں ہوسکتے ، حاضری سے استثنیٰ دیا جائے، میرے موکل آئندہ سماعت پر پیش ہو جائینگے۔عدالت نے درخواست منظور کرتے ہوئے آصف زرداری کو اگلی سماعت پر پیش ہونےکاحکم دیا۔ سماعت کے بعد میڈیا سے گفتگو میں فاروق ایچ نائیک کا کہنا تھا کہ ماضی میں آصف علی زرداری کو اچھی سیکیورٹی نہیں فراہم کی گئی، حکومت پنجاب کو چاہیے کہ سابق صدر کو بہترین سیکیورٹی فراہم کرے۔ فاروق ایچ نائیک کا کہنا تھا کہ آصف زرداری چاہتے ہیں کہ کیس چلے اورجلدسے جلدختم ہو۔

مزید پڑھئے:پاکستان نے چین سے اہم ہتھیارمانگ لیا