لاہور (نیوزڈیسک) لاہور ہائی کورٹ نے ایم ڈی سوئی گیس عارف حمید کی تعیناتی کے خلاف درخواست کا جواب داخل کرانے کے لئے حکومت کو 16جون تک آخری موقع دیتے ہوئے قرار دیا ہے کہ وفاقی حکومت جواب داخل کرانے سے شرما کیوں رہی ہے ؟۔گزشتہ روز جسٹس فرخ عرفان خان نے کیس کی سماعت کی۔ ایم ڈی سوئی گیس عارف حمید کی تعیناتی کے خلاف دائر درخواستوں میں موقف اختیار کیا گیا ہے کہ ایم ڈی سوئی نادرن گیس عارف حمید کو میرٹ کے خلاف ورزی کرتے ہوئے تعینات کیا گیا ہے اور اکتوبر 2014ئ میں وزیر اعظم کے حکم پر عارف حمید کی مدت ملازمت میں غیر قانونی طور پر توسیع بھی کی گئی ہے۔ ایم ڈی سوئی گیس کو بد انتظامی اور کرپشن کی بنائ پر 2013ئ میں نوکری سے برخاست بھی کیا جا چکا ہے تاہم ان کو دوبارہ بحال کر دیا گیا۔ ڈپٹی اٹارنی جنرل نے جواب داخل کرانے کے لئے مزید مہلت دینے کی استدعا کی جس پر فاضل عدالت نے قرار دیا کہ حکومت جواب داخل کرانے سے شرما کیوں رہی ہے ؟۔ عدالت نے مزید مہلت کی استدعا منظور کرتے ہوئے کیس کی مزید سماعت 16جون تک ملتوی کر دی۔