اسلام آباد(مانیٹرنگ ڈیسک) پولیس کانسٹیبل کو قتل اور اسسٹنٹ سب انسپکٹر کو زخمی کرنے کے مقدمہ میں ملوث مجرم کو پھانسی دیدی گئی۔میڈیا رپورٹس کے مطابق 14 سال قبل جولائی2004ء میں سب انسپکٹر محمد اشرف ذاہد اور مختار کانسٹیبل ،اسسٹنٹ سب انسپکٹر نیامت علی و دیگر اہلکار چونیاں کے قریب گشت کر رہے تھے کہ اسی دوران ملزم رمضان عرف جانی بمب نے دیگر ساتھی ڈاکوئوں کے ہمراہ فائرنگ
کرکے کانسٹیبل مختار احمد کو قتل اور اسسٹنٹ سب انسپکٹر نیامت علی کو شدید زخمی کر دیا تھا ،لاہورکی انسداد دہشت گردی عدالت نے رمضان عرف جانی کو سزائے موت سنا دی ،اس دوران ملزم نے یکے بعد دیگرے عدالتوں میں اپنی اپیلیں دائر کر دیں ،وہ بھی خارج ہو گئیں اور صدر پاکستان کو کی جانے والی اپیل بھی خارج کر دی گئی ، گزشتہ صبح رمضان عرف جانی کو ڈسٹرکٹ جیل قصور میں تختہ دار پر لٹکا دیا گیا۔
