اسلام آباد(نیوز ڈیسک)امریکی پولیس کا کہنا ہے کہ ریاست کنکٹی کٹ میں 7افراد کا قتل سیریل کلر کی کارروائی ہے۔ امریکی پولیس کے مطابق ریاست کنکٹی کٹ کے شہر نیو بریٹن میں 7افراد کا قتل سیریل کلر کی کارروائی لگتی ہے۔ ملزم نے قتل کے بعد شاپنگ پلازہ کے پیچھے لاشیں دفنا دی تھیں۔ مرنے والوں میں سے 3افراد کی شناخت ہو گئی ہے۔ جو 2003میں لاپتا ہوئے اور 2007میں ان کی لاشیں ملی تھیں، جبکہ پچھلے ماہ اسی جگہ سے مزید 4افراد کی لاشیں ملی ہیں، جن میں سے 1لاش کی شناخت ہوگئی ہے، جبکہ دیگر لاشوں کی شناخت کے لیے فرانزک تجزیہ اور تحقیقات جاری ہیں۔ پولیس اور قانون نافذ کرنے والے اداروں کا کہنا ہے کہ ان تمام 7افراد کو 1ہی شخص نے قتل کیا ہے۔