سرینگر(نیوزڈیسک) مقبوضہ کشمیر کے ضلع ادھم پور میں مسافر بس کھائی میں گرنے سے 25 افراد ہلاک ¾ 35 زخمی ہوگئے زخمیوں میں بعض کی حالت نازک ہے جس کے باعث ہلاکتوں میں اضافے کاخدشہ ہے بھارتی میڈیا کے مطابق مقبوضہ کشمیر میں ادھم پور سے لٹی بیلٹ جانے والی مسافر بس مروٹی بیلٹ میں بے قابو ہوکرکھائی میں جاگری، حادثے کے بعد امدادی کارکنوں نے بس کوکاٹ کر ان سے اندر سے لاشوں اور زخمیوں کو باہر نکالا۔ طبی ذرائع نے اب تک 25 افراد کی ہلاکت کی تصدیق کی - 35 زخمیوں کو قریبی اسپتال میں طبی امداد فراہم کی جارہی ہے۔پولیس حکام نے بتایا کہ زخمیوں میں سے کئی کی حالت انتہائی تشویشناک ہے جس کی وجہ سے ہلاکتوں میں مزید اضافے کا خدشہ ہے۔مقامی انسپکٹر جنرل آف پولیس دانش رانا کے مطابق 48 سیٹر بس میں گنجائش سے زیادہ مسافر سوار تھے۔