کراچی (این این آئی)فائی نانس ایشیا کے جاری کردہ موقر ‘کنٹری ایوارڈز فار اچیومنٹ برائے سال’2018نے کریڈٹ سوئس کو تیسری بارپاکستان کا بہترین انویسٹمنٹ بینک قرار دیا ہے جبکہ یورو منی کے اجراء کردہ ‘ایوارڈ فار ایکسلینس برائے سال2018 ‘ نے کریڈٹ سوئس کو دوسری بار ‘بیسٹ انویسمنٹ بینک’نامزد کیا ہے۔مزید برآں یورو منی کی جانب سے

کر یڈٹ سوئس کو پہلی بار ‘ ایشیا کا بہترین انویسٹمنٹ بینک’ قرار دیا ہے۔ اس موقع پر اپنے تاثرات میں کریڈٹ سوئس کے سی ای او برائے ایشیا پیسفیک جناب ہلمین سیتوھینگ نے کہا کہ کریڈٹ سوئس کو تفویض کردہ حالیہ اعزازات ادارے کی ایشیا و بحرالکاہل میں بحیثیت تجارتی و کاروباری افراد کے قابلِ اعتماد بینک ہونے کا منہ بولتا ثبوت ہیں اور یہ امر ہمارے لیے باعثِ تقویت ہے کہ کریڈٹ سوئس گزشستہ دو سالہ مدت میں وہ واحد بینک ابھر کر سامنے آیا ہے جسے ‘بیسٹ انویسٹمنٹ بینک’، ‘بیسٹ فائی نینسنگ ہاؤس ‘اور ‘بیسٹ ویلتھ مینجر’کے اعزازات سے نوازا گیا ہے۔ ہماری یہ امتیازی خوبیاں ہمہ گیر مشاورت ومثالی بینکاری خدمات کی ضامن ہیں جو خطے میں موجو دہمارے کلائنٹس کے مالی و کاروباری مفادات کو بحسن و خوبی تکمیل کررہی ہیں۔ انہوں نے کہا کہ فائی نانس ایشیا اور یورومنی کی جانب سے حالیہ تفویض کردہ ایورڈز کلائنٹس کی ہم پر بھر پور اعتماد و یقین کی دلا لت کرتے ہیں جسکے لیے ہم تہہِ دل سے مشکور اور کریڈٹ سوئس کے تمام کارکنان کی مشترکہ کاوش کے معترف ہیں۔