اسلام آباد (مانیٹرنگ ڈیسک) کرکٹ ورلڈ کپ 92ء فائنل کی گیند نیلامی کے لیے وزیراعظم عمران خان نے جاوید میانداد کے حوالے کر دی ہے، ایک نجی ٹی وی چینل کی رپورٹ کے مطابق جاوید میانداد نے حلف برداری کی تقریب کے بعد وزیراعظم عمران خان سے دیگر کھلاڑیوں کے ہمراہ ملاقات کی تھی۔ اس ملاقات میں جاوید میانداد کو عمران خان نے

میلبورن میں کھیلے گئے ورلڈ کپ 92ء کے فائنل میچ میں استعمال ہونے والی گیند حوالے کی اور ہدایات دیتے ہوئے کہا کہ اس گیند کو نیلام کرکے ملنے والی رقم دیامر بھاشا ڈیم کے لیے قائم فنڈ میں جمع کرا دی جائے، یاد رہے کہ اس فائنل میچ میں عمران خان نے بہترین کارکردگی کا مظاہرہ کیا اور انہوں نے آخری وکٹ بھی حاصل کی تھی۔