اسلام آباد(آن لائن)نو منتخب وزیر اعظم عمران خان نے سادگی کے بیان کو عملی جامہ پہناتے ہوئے ایوان صدر میں تقریب حلف برداری کے دوران 9 ڈشز کی بجائے مہمانوں کی چائے ، بسکٹ اور پانی سے تواضع کی ۔ تفصیلات کے مطابق نو منتخب وزیر اعظم عمران خان نے انتخابات سے قبل دعویٰ کیا تھا کہ وہ اقتدار میں آ کر سادگی کو اختیار کریں گے اور ویسے ہی انہوں نے اپنی سادگی کے بیان کو ایوان صدر میں
وزیر اعظم کی حلف برداری کی تقریب میں عملی جامہ پہناتے ہوئے مہمانوں کو ماضی کی طرح 9 ڈشز پیش کرنے کی بجائے چائے ، بسکٹ اور پانی سے تواضع کی ۔ دریں اثنا منتخب وزیر اعظم عمران خان کی تقریب حلف برداری کے دوران خاتون اول بشریٰ بی بی آنکھیں بند کر کے ورد پڑھتی رہیں۔ جونہی حلف برداری ختم ہوئی تو بشریٰ بی بی کو تقریب میں بیٹھی خواتین مہمانوں نے ہاتھ ہلا کر اٹھایا اور انہیں مبارکبادیں پیش کیں ۔
