اسلام آباد(مانیٹرنگ ڈیسک)عہدے کا حلف اٹھانے کے بعد عمران خان وزیر اعظم ہائوس پہنچ گئے جہاں انہیں مسلح افواج کے دستے نے گارڈ آف آنر پیش کیا۔ عمران خان نے بعد ازاں گارڈ آف آنر کا معائنہ بھی کیا۔ اس سے پہلے عمران خان نے وزیر اعظم کے عہدے کا حلف اٹھا لیا،ایوان صدر میں منعقد ہونے والے پروقار تقریب میں صدر ممنون حسین نے ان سے حلف لیا۔
تقریب میں آرمی چیف جنرل قمر جاوید باجوہ، ایئر چیف مارشل مجاہدانور،پاک بحریہ کے سربراہ ظفر محمود عباسی بھی پہنچ تھے ۔اس موقع پر آرمی چیف جنرل قمر جاوید باجوہ نے سپیکرقومی اسمبلی اسد قیصر، ڈپٹی سپیکرقاسم سوری، بھارت سے آئے مہمان نوجوت سنگھ سدھو سے مصافحہ کیا اور ان سے گفتگو بھی کی۔مسلح افواج کے سربراہ نے غیر ملکی سفارتکاروں سے بھی مصافحہ کیا۔
