اسلام آباد (مانیٹرنگ ڈیسک) تحریک انصاف کے چیئرمین عمران خان ملک کے 22 ویں وزیراعظم منتخب ہو گئے ہیں، جیسے ہی ان کے انتخاب کا اعلان کیا گیا، پورے ملک میں تحریک انصاف کے کارکنوں نے جشن منانا شروع کر دیا، ایک جانب پی ٹی آئی کے کارکن جشن منانے اور ایک دوسرے کو مٹھائی کھلانے میں مصروف تھے تو دوسری جانب قومی اسمبلی میں بیٹھے عمران خان کی آنکھوں میں خوشی کے آنسو چھلک رہے تھے۔ سوشل میڈیا پر ایک ویڈیو وائرل
ہوئی ہے، اس ویڈیو میں جیسے ہی سپیکر قومی اسمبلی اسد قیصر نے عمران خان کے وزیراعظم منتخب ہونے کا اعلان کیا تو عمران خان ایک طویل جدوجہد کے بعد کامیابی حاصل کرنے پر رو پڑے۔ ان کی آنکھوں میں خوشی کے آنسو چھلک پڑے اور ان کی آنکھیں آنسوؤں سے بھیگ گئیں لیکن اس کا احساس اس وقت ہوا جب انہوں نے اپنی انگلیوں سے آنسوؤں کو صاف کیا۔ سوشل میڈیا پر ان سے محبت کرنے والوں نے جب یہ منظر دیکھا تووہ بھی خوشی سے رو پڑے۔
