اسلا م آ با د (نیوز ڈیسک) وزیراعظم نواز شریف نے کراچی کے علاقے شاہ فیصل میں فائرنگ کے واقعے میں ڈی ایس پی ذوالفقار زیدی کے قتل کی مذمت کر تے ہو ئے کراچی میں ہر قیمت پر امن و استحکام کی بحالی کیلئے حکومت کے عزم کا اعادہ کیا ہے۔ اپنے ایک بیان میں انہوں نے رات کراچی کے علاقے شاہ فیصل میں فائرنگ کے واقعے میں ڈی ایس پی ذوالفقار زیدی کے قتل کی مذمت کی۔ وزیراعظم نے سند ھ کی حکومت کو ہدایت کی کہ ایسے واقعات کے دوبارہ رونما ہونے کی روک تھام کیلئے صوبائی دارالحکومت میں سیکورٹی کے انتظامات سخت کئے جائیں۔نواز شریف نے واقعے سے متعلق رپورٹ بھی طلب کی ہے اور پولیس اہلکاروں کا حوصلہ بڑھانے کیلئے ضروری اقدامات کی ضرورت پر زور دیا جو امن و امان برقرار رکھنے کیلئے ضروری ہیں۔