روم(آن لائن)اٹلی کے شمالی شہر گینوا میں موٹروے پل گرنے سے 22 افراد ہلاک اور متعدد زخمی ہو گئے ، کئی گاڑیاں ملبے تلے دب گئیں،ہلاکتوں میں اضافے کا خدشہ ظاہرکیا گیا ہے، پل گرنے سے اے ٹین موٹر وے کا 100 میٹر کا حصہ بھی تباہ ہو ا اور 300 فٹ کا گڑھا پڑ گیا۔ اطالوی بندرگاہی شہر جینووا کے قریب ایک موٹر وے پر قائم ایک پل منہدم ہو جانے کے واقعے میں

درجنوں افراد کی ہلاکت کے خدشات ظاہر کیے جا رہے ہیں۔ مقامی ایمبولنس سروس کے مطابق اس واقعے میں ہلاک ہونے والوں کی تعداد درجنوں میں ہو سکتی ہے، جب کہ اطالوی وزیرِ ٹرانسپورٹ کا کہنا ہے کہ یہ واقعہ ایک بڑا سانحہ معلوم ہو رہا ہے۔منگل کے روز یہ پل مقامی وقت کے مطابق صبح ساڑھے گیارہ بجے منہدم ہوا اور وقت وہاں بارش جاری تھی۔ مقامی پولیس کے مطابق اس پل کے انہدام کی وجہ سے بیس گاڑیاں متاثر ہوئی ہیں، جب کہ 22افرادکی ہلاکت کی تصدیق ہو چکی ہے۔ اطالوی ٹی وی چینلز پر دکھائے جانے والے مناظر میں اس پل کے منہدم حصے اور ملبے کے ٹکڑے جگہ جگہ بکھرئے نظر آتے ہیں۔ یہ پل اطالوی موٹر وے A10 پر قائم تھا اور سن 60 کی دہائی میں تعمیر کیا گیا تھا۔مقامی حکام کے مطابق اس پل کی سن 2016 میں مرمت اور توسیع کا شروع کیا گیا تھا۔ کہا جا رہا ہے کہ انہدام کے وقت اس پل کی بنیادوں پر کام جاری تھی، جب کہ اس پل کی مسلسل نگرانی بھی کی جا رہی تھی۔ یہ بات اہم ہے کہ یہ موٹر وے فرانسیسی جنوبی ساحلی علاقوں اور اٹلی کے درمیان اہم ترین سڑک ہے۔ایک عینی شاہد نے سکائی اطالیا ٹی وی سے بات چیت میں کہا کہ میں نے آٹھ یا نو گاڑیوں کو اس پل پر سے نیچے گرتے دیکھا۔ یہ ایک تباہ کن منظر تھا۔ اطالوی ٹرانسپورٹ وزیر دانیلو تونینیلی نے اپنے ایک ٹوئٹ میں کہا ہے ایسا لگتا ہے کہ یہ ایک بڑا سانحہ ہے۔جب کہ طبی ذرائع کا کہنا ہے کہ حادثے میں درجنوں افراد زخمی بھی ہوئے جس کی وجہ سے ہلاکتوں میں اضافے کا خدشہ ہے۔