فرانس (نیوز ڈیسک) کلے کورٹ پر اے ٹی پی چیلنجر ٹور ڈبلز کا فائنل ہوا۔ قومی ٹینس اسٹار اعصام الحق اپنے ڈچ ساتھی روبن میس کے ہمراہ اِن ایکشن ہوئے۔ اعصام الحق کی ٹیم نے میچ کا آغاز جارحانہ انداز میں کیا اور پہلا سیٹ ایک کے مقابلے میں چھ پوائنٹ سے اپنے نام کیا۔ قومی ٹینس اسٹار نے فیصلہ کن معرکے میں اسی برتری کو دوسرے سیٹ میں برقرار رکھا جس میں انہیں چھ دو سے کامیابی ملی۔ اسٹریٹ سیٹس کی اس شاندار جیت نے پاک ڈچ جوڑی کو چیمپئن بنا دیا۔ اعصام الحق نے ڈبلز فائنل میں کیوی اور امریکی کھلاڑی کو ہرا کر ان کے خواب چکنا چور کر دیئے۔