مسی سپپی(نیوز ڈیسک) امریکا کی ریاست مسی سپی میں فائرنگ سے 2 پولیس اہلکار ہلاک ہو گئے۔غیر ملکی خبر رساں ادارے کے مطابق پولیس حکام کا کہنا ہے کہ مسی سپی کے علاقے ہیٹس برگ میں مسلح افراد نے پولیس اہلکاروں پر فائرنگ کردی، دونوں کو فوری طورپر قریبی اسپتال منتقل کیا تاہم اسپتال پہنچنے پر ڈاکٹرز نے دونوں اہلکاروں کو مردہ قرار دے دیا۔
پولیس حکام کا کہنا ہے کہ ہیٹس برگ میں پولیس اہلکاروں پر فائرنگ کا 30 سال میں یہ پہلا واقعہ ہے، ابتدائی طور پر فائرنگ کے واقعہ کی وجوہات معلوم نہیں ہو سکی ہیں تاہم حملہ آوروں کی تلاش کے لئے سرچ آپریشن شروع کردیا گیا ہے۔
واضح رہے کہ چند روز قبل نیویارک میں بھی فائرنگ کر کے ایک پولیس افسر کو ہلاک کردیا گیا تھا۔