اسلام آباد( نیوزڈیسک)پاکستان تحریک انصاف کے سربراہ عمران خان سے شادی کے لیے صحافت کے شعبے کو ترک کرنے والی ریحام خان نے اب شوبز کے میدان میں قدم رکھنے کا فیصلہ کر لیا ہے۔وہ دو فلموں کی پروڈکشن کے لیے بالکل تیار ہیں جس میں سے ایک ‘جانان’ ہوگی۔فلم ‘جانان’ کی لیڈ اسٹار برطانیہ کی رہنے والی اداکارہ ارمینا رانا خان ہیں جنہوں نے فلم میں اپنے کردار کے حوالے سے بتایا۔اس سے قبل وہ مختلف ٹی وی ڈراموں میں کام کر چکی ہیں جن میں عشق پرست، کرب اور بن روئے وغیرہ شامل ہیں لیکن کسی فلم میں وہ پہلی بار اداکاری کریں گی۔انہوں نے فلم کے حوالے سے بتایا کہ یہ خیبر پختون خوا کی عوام پر فلمائی جائے گی۔فلم ‘جانان’ ایک پختون خاندان پر مبنی رومانوی اور مزاحیہ فلم ہوگی۔