اوکاڑہ( نیوز ڈیسک) اوکاڑہ کے نواح میں باپ نے مبینہ طور پر دو بیٹیوں اور ایک بیٹے کو نہر میں پھینک دیا۔ ایک بیٹی جاں بحق ،دوسری کی تلاش جاری،بیٹے کو زندہ بچا لیا گیا۔تفصیلات کے مطابق اوکاڑہ کے نواحی قصبہ ٹھٹھہ کلاسن کے رہائشی بگی نے مبینہ طور پر اپنی12سالہ بیٹی ماریہ،دوسری بیٹی منزہ اور6سالہ بیٹے علی وقاص کو موٹر سائیکل پر بٹھایا اور جی ٹی روڈ رینالہ کے قریب نہرلوئر باری دو آب میں پھینک دیا ۔عینی شاہدین نے 6سالہ علی وقاص کو بچا لیا جبکہ ریسکیو1122نے 12سالہ ماریہ کی نعش بر آمد کر لی جبکہ منزہ کی تلاش جاری ہے۔بچائے جانے والے علی وقاص نے پولیس کو اپنے اور بہنوں کے نام بتائے۔ایس ایچ او تھانہ سٹی رینالہ کا کہنا ہے کہ ابتدائی طور پر یہ معلوم ہوا ہے کہ ملزم بگی کی بیوی گزشتہ روز خاوند سے ناراض ہو کر بچوں کو چھوڑ کر چلی گئی جس پر ملزم نے بچوں کو نہر میں پھینک دیا۔

مزید پڑھئے:چالیس برس طویل قیدِ تنہائی کاٹنے والے شخص کو جب رہائی ملی تو۔۔۔