کوہاٹ(این این آئی) پاک افغان سرحد پر واقع افغان صوبہ پکتیا کے صدر مقام گردیز کی ایک مسجد میں خودکش دھماکہ کے نتیجے میں 30 افغان شہری جاں بحق اور40سے زائددیگرزخمی ہوگئے۔ سرحد پار سے موصولہ ابتدائی اطلاعات اور صوبائی پولیس ترجمان سردار ولی تبسم کے مطابق گردیزشہر میں امام زمان نامی مسجد میں نماز جمعہ کے وقت تقریباً دو بجے دہشت گردی کا وقعہ پیش آیا جب بڑی تعدادمیں لوگ نماز جمعہ ادا کررہے تھے کہ دو مسلح افراد نے داخل ہوکر پہلے فائرنگ کی

اور ایک نے مسجد کے اندرخود کو دھماکے سے اْڑادیا جبکہ دوسرے ممکنہ خودکش بمبار کو دھماکہ کرنے سے قبل ہی پولیس نے فائرنگ کرکے ہلاک کردیا۔ حکومتی اہلکار نے دھماکہ کے نتیجے میں25 نمازی کے جاں بحق اور 23 دیگر کے زخمی ہونے کی تصدیق کی ہے جبکہ عینی شاہدین کے حوالے سے آمدہ اطلاعات کے مطابق اب تک 30 افراد جاں بحق اور40 سے زائد دیگرزخمی ہوگئے۔بتایا جاتا ہے کہ اہل تشیع کی اس جامع مسجد میںبہت زیادہ لوگ جمعہ کی نماز پڑھنے کے لئے جمع تھے ۔