اسلام آباد(آئی این پی ) سابق وزیر اطلاعات ونشریات مریم اورنگزیب نے کہا ہے کہ دھاندلی شدہ الیکشن کے خلاف تمام سیاسی جماعتیں اکٹھی ہو گئی ہیں ، تمام سیاسی جماعتوں نے الیکشن نتائج کو مسترد کردیا ۔ جمعرات کو نجی ٹی وی سے گفتگو کرتے ہوئے مریم اورنگزیب نے کہا کہ اپوزیشن جماعتوں نے 16رکنی کمیٹی بنائی ہے ۔ آج (جمعہ کو)
تین بجے ایکشن کمیٹی کی میٹنگ ہوگی ۔انہوں نے کہا کہ ہم نہ تو دھرنا دیں گے نہ سول نافرمانی کی تحریک چلائیں گے اور نہ پارلیمنٹ پر لعنت بھیجیں گے ، اپوزیشن میں رہ کر پاکستان کے اداروں پر حملہ آور نہیں ہوں گے ، ہم ایسا کچھ نہیں کریں گے کہ سپریم کورٹ کے ججوں کو راستہ بدل کر سپریم کورٹ جانا پڑے ۔
