لاہور(سی پی پی)پنجاب صاف پانی کمپنی سکینڈل میں بڑی پیش رفت سامنے آئی ہے، سابق چیف ایگزیکٹیو آفیسر وسیم اجمل وعدہ معاف گواہ بننے کو تیار ہوگئے۔ذرائع کے مطابق وسیم اجمل نے مہنگے ٹھیکے دینے کا ملبہ سابق وزیراعلیٰ پنجاب شہباز شریف پر ڈال دیا، وسیم اجمل نے اپنے ابتدائی بیان میں کہا ہے کہ 4 افسران اور 2 بورڈ ممبرز نے بھی مداخلت کی۔
خیال رہے گزشتہ روز آشیانہ اقبال سکینڈل میں فواد حسن فواد نے کئی سابق افسران وعہدیداران کے خلاف انکشافات کئے تھے جن کی روشنی میں نیب کئی افسران و سیاستدانوں کو طلب کر سکتا ہے۔ فواد حسن فواد نے تحقیقات میں شہباز شریف پرمزید ملبہ ڈالا تھا۔ذرائع کے مطابق نیب تحقیقات کے دوران کئے گئے انکشافات سے پتہ چلا کہ شہباز شریف اور فواد حسن فواد ٹھیکہ دینے سے متعلق ایک پیج پرنہیں تھے، شہباز شریف کاسا ڈویلپرز اور پیراگون ہاسنگ سوسائٹی کے حق میں تھے جبکہ فواد حسن فواد اورنج ہولڈنگ کمپنی کو ٹھیکہ دلوانا چاہتے تھے۔
