اسلام آباد(مانیٹرنگ ڈیسک)الیکشن کمیشن اور نادرا حکام کی نااہلی ،حالیہ انتخابات میں ایک افغان شہری کامیاب ہو کر رکن بلوچستان اسمبلی بن گیا۔ نجی ٹی وی کے مطابق کوئٹہ سے تعلق رکھنے والے افغان شہری علی احمد کہزاد رکن بلوچستان اسمبلی بن گئے ۔معلوم ہوا ہے کہ ان کا شناختی کارڈ بھی بلاک ہے،ہزارہ ڈیموکریٹک پارٹی سے تعلق رکھنے والے علی احمد کہزاد کے پاس افغانستان کی شہریت ہے۔
علی احمد کہزاد شناختی کارڈ نہ ہونے کے باوجود بلوچستان کے حلقہ پی بی سے رکن صوبائی اسمبلی منتخب ہوئے۔ذرائع کے مطابق نو منتخب رکن صوبائی اسمبلی کا حلقے میں اپنا ووٹ بھی رجسٹرڈ نہیں ہے۔ لیکن نہ نادرا نے دھیان دیا اور نہ ہی الیکشن کمیشن نے علی احمد کہزاد کا شناختی کارڈ چیک کرنے کی زحمت کی۔ سیاسی مبصرین نے اس خبر پرتشویش کا اظہار کیا اور تحقیقات کا مطالبہ کیا ہے۔
