اسلام آباد (نیوزڈیسک)سینٹ کوبتایا گیا ہے کہ گذشتہ دو سالوں کے دوران جنسی زیادتی کے تقریباً پانچ ہزار مقدمات درج ہوئے جن میں سے محض 219 افراد کو ہی عدالت سے سزائیں مل سکی ہیں۔وزیر داخلہ چوہدری نثار علی خان نے سید طاہر حسین مشہدی کے ایک سوال کے تحریری جواب میں ایوان کو بتایا کہ جولائی 2013 سے اس سال فروری تک ملک میں ریپ کے 4960 مقدمات درج ہوئے جن میں ساڑھے چھ ہزار سے زائد تعداد میں ملزمان گرفتار بھی ہوئے۔انہوں نے کہاکہ 3645 مقدمات میں باضابطہ چالان بھی پیش ہوئے تاہم محض 219 افراد کو عدالتوں سے سزائیں دلوائی جا سکی ہیں۔