بدین (نیوزڈیسک )سابق صوبائی وزیر داخلہ ذوالفقار مرزا نے پیپلز پارٹی کی قیادت کے حوالے سے ایک بار پھر سخت درعمل کا اظہار کرتے ہوئے کہا ہے کہ کراچی پہنچنے پر جس کسی نے بھی مزاحمت کی اس کے دانت کھٹے کر دوں گا۔کراچی روانگی سے قبل میڈیا سے بات کرتے ہوئے ذوالفقار مرزا کا کہنا تھا کہ عدالت نے مجھے اپنی اور اہل خانہ کی حفاظت کا بندوبست کرنے کی اجازت دی ہے جب کہ اللہ نے اتنی ہمت دی ہے کہ ہر قسم کی مزاحمت کا سامنا کرسکتا ہوں۔ ان کا کہنا تھا کہ کراچی پہنچ کر سیدھا اپنے گھر جاو¿ں گا اور اگر کسی نے مزاحمت کی کوشش کی تو اس کے دانت کھٹنے کردوں گا۔ذوالفقار مرزا کا کہنا تھا کہ سندھ حکومت جنگلات کی زمینوں پر قبضے کی تحقیقات کا شوق پورا کرلے، اس میں خود انہی کے لوگ بے نقاب ہوں گے، مجھ پر ایک ایکڑ زمین بھی ثابت نہیں کر سکیں گئے۔