اسلام آباد(نیوز ڈیسک)امریکی ریاست نیو جرسی کے علاقے برلنگٹن کاو¿نٹی کے قریب جنگل میں آگ لگ گئی۔ قریبی آبادیوں کے مکینوں کو محفوظ مقامات پر منتقل ہونے کی ہدایت کر دی گئی۔ پولیس کے مطابق درجنوں فائر فائٹرز آگ بجھانے میں مصروف ہیں۔ فارسٹ فائر سروسز کا کہنا ہے آگ سے ایک سو سے زائد ایکڑ رقبے پر جنگل جل کر راکھ ہو گیا ہے۔ آگ کے پھیلنے کا خدشہ ہے۔ دوسری جانب آگ سے پھیلنے والے دھویں نے بڑے رقبے کو اپنی لپیٹ میں لے لیا ہے اور اسکی وجہ سے لوگوں کو سانس لینے میں مشکل پیش آ رہی ہے۔ ماہرین نے دھویں سے بچاو¿ کے لئے ماسک استعمال کرنے کی ہدایت کی ہے۔