لاہور ( نیوزڈیسک) وفاقی حکومت نے خواجہ سعد رفیق کو ریلوے کا مشیر لگانے کا فیصلہ کر لیا، حتمی اعلان وزیراعظم محمد نواز شر یف کریں گے۔ نجی ٹی وی نے وفاقی حکومت کے ذرائع کے حوالے سے کہا ہے کہ وفاقی حکومت نے خواجہ سعد رفیق کے سیاسی مستقبل کے حتمی فیصلے تک انہیں ریلوے کا مشیر لگانے کا فیصلہ کر لیا۔ سعد رفیق کو مشیر ریلوے لگانے کا مقصد ان کی کامیاب پالیسیوں کے تسلسل کو برقرار رکھنا ہے جو ریلوے کی بہتری کے لئے کئے گئے ہیں۔ واضح رہے کہ الیکشن ٹریبونل نے چند روز قبل حلقہ این اے 125کے انتخاب کو کالعدم قرار دیا تھا۔